帶病上陣冇甩拖 吳鎮宇龍舟扒上癮

端午節扒龍舟，吳鎮宇、潘燦良、黃德斌、胡子彤、余香凝等，就在去年這段時間拍攝以龍舟為主題的電影《逆流大叔》。他們沒扒龍舟經驗，拍攝時間又緊張，鎮宇爆料：「其實我哋只係上咗半堂去學扒龍舟，其餘時間就係邊拍邊學，每個動作都有正式龍舟教練喺攝影機旁邊睇下啲動作啱唔啱，不過我覺得大家都算學得好快，仲愈學愈好玩，最尾一場我哋直頭扒上癮，喺導演CUT咗機後都一路繼續扒，扒到個個都冇力先停低。」這期間最痛苦的是拍攝時經常要面對陰晴不定的天氣，幕前幕後工作人員都容易生病，導演陳詠燊就爆鎮宇料，說：「鎮宇有大部份扒龍舟嘅戲份都係帶病上陣，把聲都沙哂，不過佢真係好專業，完全冇影響到佢嘅演出！」

潘燦良團隊扒龍舟一點也不簡單，但一齊扒到似水上飛時感覺最正。黃德斌則謂難度在於每天都要很早起床拍龍舟戲，說：「一開始就要進入狀態，幸好當處於嗰個環境同氣氛，大家都好開心唔會覺得太辛苦。」身為香港棒球代表隊隊員的胡子彤，就寓工作於操練，說：「估唔到今次拍攝嘅體能需求都幾大，拍攝一整日真係會扒到幾攰，可以幫我保持運動員狀態同心態！」