《洩密者們》踏紅地氈 吳鎮宇演躝癱CID連啪5碗麵

吳鎮宇、佘詩曼、周秀娜和張智霖（Chilam）代表電影《洩密者們》，踏上海電影節紅地氈。鎮宇在戲中扮演的香港CID，連他亦形容為躝癱，其角色投入查案的程度去到不惜榨乾自己，但無賴得來又火爆兼有智慧，牽動到觀眾情緒。事實上鎮宇今次亦為藝術犧牲，除了留長頭髮及染成金啡外，又故意增肥加添頹廢佬味。

其中一場講述鎮宇帶飾演大馬警員的Chilam到麵檔開飯，拍時其實非常順利，近乎沒有NG，但因為要拍攝不同角度，所以鎮宇連啪5碗麵，全部食到碗底朝天。提起這場戲，鎮宇就笑說：「嗰場戲係要咁食嘢，一啖過食晒，之前都有心理準備，但食完真係好飽，再食就嘔㗎啦！拍呢套戲成日食，拍戲又食，去大馬時又食好多麵同食榴槤，真係肥咗。」