【陣容晒冷】華仔擔任迷你劇監製望港劇多元化有深度

2018-05-23 19:55

劉德華（華仔）、吳鎮宇、張孝全、張可頤、廖啟智、譚耀文等，出席原創迷你劇《東方華爾街》全球首播發佈會。擔任監製的華仔認為香港電視題材不夠廣，亦為該劇花很多時間平衡每個角色，讚一班電視人好有熱情為夢想工作，又指《華爾街》導演黃國強曾在他的公司踎了半年，度了這部金融題材劇集，亦找到福斯投資該劇，笑言今次用了好多錢投資，所以他無糧出。

導演黃國強直言金融題材複雜，用了好多時間做資料搜集，起初劇本似教科書教人投資金融，經調整後寫了13稿，幸好有華仔教路做得更加好。他又透露台灣女星桂綸鎂參與首季演出並留下伏線，將會是下一季的大人物。

華仔笑謂下一季經已有伏線，可能他有份演出，說：「這部劇整體上達到我對品質的要求，頭5集要用腦去思考，再繼續追看會跟得住。第1集比較快，因為1集代表4年，橫跨20年金融市場。今次我有份做剪接，但我無收人工，因為啲錢用晒請演員。」談到他是否做監製上癮？華仔說：「呢個有少少內疚，去年我跌下來（指墮馬事件），所以不能跟他們去馬來西亞，他們變成單打獨鬥，所以後期我多啲參與，例如CG，呢啲坐響度做。」

是否認為香港劇題材不多？華仔直言不能「一竹篙打沉一船人」，如得十元也能打動別人，就算一百元都要視乎如何去拍攝，又謂香港免費電視台比較多一家大細觀眾收看，反而網劇內容可以更深，讓大家思考。

此外，提到有網民創作「四大外父」串燒歌，華仔稱：「要默然接受，唔負面就得啦！開心事，大家開開心心咪好囉。」