關楚耀多謝阿妹站台合唱 自認佛系歌手不強求踏紅館

關楚耀（Kelvin）於麥花臣場館舉行演唱會，事隔5年再開騷，Kelvin雖然沒有太多說話，但明顯非常享受。不時到台下跟觀眾作近距離接觸，握手、擁抱跟合照都無任歡迎。
於演唱會唱盡不少自己的歌Kelvin，唱到原本跟謝安琪合唱的《四面楚歌》時，請來親妹妹關美薇（Natalie）合唱。他說：「呢把女仔聲得唔得呀？多謝阿妹同我合唱呢首歌，第一次咁樣出嚟陪我玩。」妹妹亦隨即感激哥哥邀請。Kelvin笑說：「好喇！唔該晒你，你可以返去陪媽媽睇騷。」
Kelvin受訪時，說：「好似發咗場夢咁，籌備咗兩個月，上台唱兩首歌，好快就已經唱最後一首。不過我都好享受唱歌，我成場不停咁會心微笑。」談到下一站是否挑戰紅館？他說：「我真係無咩所謂，呢個場啲聲都好靚。咁我當然想去紅館，但係我唔會強求，我係佛系歌手。」談到跟妹妹合作，他說妹妹都很喜歡音樂，但妹妹現職幼稚園教師，亦有其他喜愛的工作。問到妹妹是否想入行？他笑說：「我叫佢唔好，最緊要做啲自己鍾意嘅嘢。（做首合唱歌同妹妹唱？）唔好喇！我自己啲歌都未搞得掂。」（攝影：羅安強）