老婆生日飯晒恩愛 吳彥祖麵包托手機睇NBA

男神吳彥祖(Daniel)與太太Lisa S.一向都非常恩愛，可以話係娛樂圈的模範夫妻。Lisa S.生日，Daniel當然要有所表示啦！Daniel近日就在社交網上載了一張與太太的甜蜜合照，二人對著鏡頭咀咀玩自拍，Daniel更留言話：「To my one and only Queen.You are the light of my life！Happy Birthday dear！(我唯一的女王，你是我生命的光，親愛的生日快樂！）」真係非常Sweet！

Daniel是一個百份百的NBA迷，所以即使陪太太食生日飯時都不忘用手機上網睇波，更攪笑地上載了一張用麵包托住部電話的相。Daniel話：「I have the best wife in the world.She let me watch #game6 tonight while at her birthday dinner.And yes that is a bread roll iPhone stand.Don’t even think about stealing the idea,I already submitted the patent for it.(我有一位全世界最好的太太，她讓我在她生日飯局上睇Game6。這個麵包是一個很好的支架，不要想偷我的諗法，我已攞咗專利。」話晒都係NBA季後賽西岸決賽Game6，作為球迷的Daniel又真係好難唔睇嘅，網友都大讚Lisa S.通情達理，更話Daniel這個睇波方法好有創意添！