變身大隻仔！關楚耀半祼操肌冧粉絲

近期娛樂圈的男星都加入了操肌的行列，森美、陳奐仁、杜汶澤等都成功變身大隻仔。可能受到他們的正能量影響，藝人關楚耀(Kelvin)近來都積極玩健身，近日他更在社交網上載自己鍛鍊的短片，並留言：「前膊操練」。

片中Kelvin半裸上陣，大晒結實身型。他好努力咁去拉動身前的健身器材，初時他都拉得頗為輕鬆，但拉了幾下之後就顯得有點吃力了，最後更支持唔住要休息添！雖然Kelvin只拉了幾下就停手，但都睇到粉絲嘩嘩聲，有網友更留言話好想摸下佢個弗爆嘅Body添！