【被冷落】老公瘋狂影相 蔣祖曼嬲爆晒「合照」

有「獨立電影女皇」之稱的藝人蔣祖曼(Joman)，與任職電影幕後製作的陳卓麒(Keith)結婚後育有一對仔女，一家四口生活美滿，Joman間中都會在社交網上載生活的有趣事和網友分享。

做得電影這行，多數都鍾意影相，而Keith就是一個正宗的攝影發燒友了，經常都會帶著相機，去到邊影到邊。近日Joman就甫出了多張與老公的另類合照，相中他們二人都有出鏡，但她老公就掛住影相，完全冇理過太太，而Joman就顯得一臉無奈同嬲爆爆！Joman留言話：「不解釋。#陳麒殿後系列#影完未 #收工啦導演#識影相係冇用#識影你先有用#有同感嘅姊妹畀個5我」。很多網友都留言話身同感受，也有網友大讚相片的拍攝角度好特別！