劉偉強爆Cody似媽咪王棠云 余文樂貼囝囝腳印照

劉偉強導演和鄭丹瑞出席劉偉文電影海報作品展，劉偉強透露忙於為電影《武林怪獸》做後期製作，下星期會則為新戲《轟天大爆炸》到內地睇景，這片以大連大爆炸事件作藍本，並有中、港兩地演員參演。
談到余文樂榮升做爸爸，劉導戥對方開心，已恭喜樂仔，亦睇過B仔Cody的相片，稱B仔手指好長，樣似媽媽王棠云，更笑謂會送多點愛給BB。他說：「我會叫樂仔錫多啲太太，因為生完仔要對老婆好啲，我都會分享湊仔經驗畀佢。（可有湊仔小貼士？）大膽啲，唔使太驚，小朋友其實好強壯，3個月大仲強壯過我哋，因為媽媽畀好多營養佢。」
另外，余文樂今日亦在社交平台貼上囝囝腳印照，留言：「One of the best moment in my life」。