鄭丹瑞開工作室 簽19歲四川女生10年長約

鄭丹瑞（阿旦）現身展覽活動，透露跟邵氏洽談開拍《小男人週記3之吾家有喜》續集，近年一直籌備劇本，亦開設工作室，且簽了一位19歲四川女生劉亦淳為旗下藝人。
阿旦謂早前為《風雲》舞台劇內地巡迴演出，遇上對方做實習接待生，更向他請教前途問題。他說：「佢問我做空姐定入行好？我話梗係做空姐啦！我驚佢入行搵唔到食，但佢話唔甘心，我就話唔怕我就同你簽10年長約。」阿旦坦言劉亦淳不算靚女，不過外貌得意兼有性格，將來會為對方度身訂造角色，但不會一出來就做主角，叫對方起碼要捱3年；將來亦物色簽新人，男或女也會簽。談到何不簽兩位女兒為旗下藝人？他稱女兒對演藝事業不熱衷。（攝影：羅安強）