開「怪獸派對」慶祝58歲生日 劉偉強自爆曾獲贈快艇

劉偉強宴請好友到其寓所舉行「劉偉強帶埋班怪獸開Party」，慶祝他58歲生辰，好友鄭伊健、王子涵、江美儀與陳奐仁等到賀。劉偉強與太太恩愛地拖手接受訪問，表示生日願望是大家身體健康、繼續努力，新片《武林怪獸》盡快上映。談到生日禮物，他坦言最多人送酒，太太就最不喜歡，因為不想他飲太多。他還透露十多年前曾經有男人送他快艇，估計價值6位數（以十萬計），並為此考了船牌。

提及資深藝人雷震離世，劉偉強表示很榮幸曾跟對方合作過電影《古惑仔2》，大讚雷震甚有當代明星風範，高大又唔肥，他指電影拍竣後兩人也間中有見面。

文詠珊 (Janice Man) 亦有到場賀劉偉強導演生日。談到送甚麼禮物，JM笑說：「唔知啊！都係買酒，女仔朋友就簡單得多，男性朋友就唔知送咩。」
JM透露即將到上海拍劇，劇中飾演珠寶設計師，因此最近閱讀有關珠寶設計的書籍。她笑說：「今次去上海拍攝有嘢食，唔會四圍都無嘢食。都要拍3至4個月，而家每日都忙執屋企嘢，日日都好似好忙咁。」
另外，談到可有祝福舊老闆黎明 (Leon) 做爸爸，JM提到有以訊息祝賀。問到可有八卦問Leon是仔還是女？她笑說：「梗係無啦！我唔係一個八卦嘅人，所以無問到。」