女友搵齊家人朋友拍片賀壽 袁偉豪被媽媽感動到喊

袁偉豪（Ben）為護膚品牌活動擔任嘉賓，昨日（5月11日）37歲生日的他，獲新劇《鐵探》劇組及演員王君馨、梁烈唯及女友張寶兒為他慶祝生日。談到女友張寶兒一連幾日生日飯局都有在場，Ben說：「係啊！佢呢幾日都有陪我，《鐵探》佢都有份，佢係我下屬。」Ben透露女友作準備了一份特別禮物，令到他非常感動，說：「佢搵我一班朋友、家人、一班隊友，拍咗一段祝福片段，當中有陳山聰、單立文、胡蓓蔚同周柏豪。」問到哪人的祝福令他最為感動？他說：「係媽媽啦！睇完我都忍唔住喊咗出嚟。」笑指張寶兒如此有心，輪到預備給女友生日禮物時會很傷腦筋？他則說：「腦力大測試啫，又唔會傷腦筋嘅。我都想將段短片放上網同大家分享，因為都好有意思同有趣。」（攝影：駱震寧）