阿Sa嚇到胃痛 祖兒驚見基仔突然消失：擘大個口得個窿

古巨基昨晚第二場紅館騷獲不少圈中友到來捧場，蔡卓妍（阿Sa）、容祖兒外，還有余安安、陳慧嫻、趙薇、吳浩康、杜徳偉夫婦、阮兆祥、陳豪與陳茵媺、張頴康夫婦，趙增熹等；老闆楊受成得知基仔發生意外，更是第一時間趕到紅館探望及慰問。
完騷後一班好朋友也到後台等基仔，阿Sa直言發生意外時嚇到胃痛，說：「頭先最恐佈，係發生意外之後，全場靜止咗咁，冇人出聲。我同祖兒過咗一陣覺得有啲唔對路，於是就返入後台，睇下有咩要幫手，好彩上天係一定眷顧好人，希望接著下來幾場平平安安，基仔加油。」
祖兒就話：「今日第一次見到意外發生 ，基仔突然消失，台上又熄燈，成場冇聲，我嚇到真係擘大個口得個窿。之後我咪入後台看看是否可以幫手。我覺得古巨基好勁，咁跌法，但係佢堅持到自己意志力，毅力，面對愛載觀眾朋友，佢一定要完成個騷，我好佩服你古巨基。」