【子華棟篤笑】大批阿公阿婆涉「有組織」插隊 黃牛黨疑收買長者搶飛

黃子華的告別棟篤笑，今早10點開始公開發售15萬張門票，尖沙咀文化中心城市售票網吸引不少子華粉絲排隊買飛，亦有大批疑似黃牛黨昨晚帶定櫈仔坐排隊，當中大批長者出現。不過可見黃牛黨頭目﹐明目張膽向長者派信封，信封上寫上指定日期外，又寫明「請找我，如沒有$880任何日子，再沒有$480，$380」，其後指示買飛後交收流程。現場所見，過百位長買飛後，再排隊拎籌再買飛，其中有位婆婆承認每次買完飛後獲得100元酬勞。
子華的粉絲Simon，表示今早排隊前排只有40至50人，但大部份操流利普通話，不過凌晨三、四點時類似黃牛黨頭目出現，就帶一班長者入來。他說：「5至6個長者一組插隊入黎，排後面的人鼓噪，跟住我哋叫警察嚟，趕走部份的人，蛇頭都肯退讓叫長者走開，但到某啲時間啲公公、婆婆去入番條隊，好有組織性。七點前保安返工開始派籌，原本我應該排80名之內，依家140幾，我覺得明明買黃子華飛，好似種票。」同樣是子華粉絲的Jelly，成功買飛後不禁開心到大叫。她坦言贊成賣黃牛飛要加刑罰，又認為是黃子華的粉絲不應該買貴飛，真心喜歡他會排隊買飛。來自大馬的羅先生，專登來港買飛，雖然昨晚七時已排隊買飛，但未見混亂情況。

【子華棟篤笑】相關新聞：

黃子華棟篤笑再掀炒飛潮 $880門票炒高5倍

頭位南亞媽推BB車 排15日講明「轉賣賺奶粉錢」

李生帶埋阿媽去排隊 企正後巷垃圾桶旁

罷賣黃牛！黑超仔請假排足1周 尾場貴飛成功入手

黃子華收咪作座位表出爐 網民：原來可以咁彩色

搶購15萬張加場飛 網上逼爆電話未能接通