夫婦涉虐7歲女餓至皮包骨 社工指被告攬著她哭話唔知點算

7歲女疑輟學後被餓至皮包骨、腦損的案件今在高等法院續審。負責在港跟進女童母親的社工岀庭作供，指她於2015年7月23日，接到首被告電話及告知她遭控告，翌日該社工相約首被告到醫院，張在庭上表示，「我見咗小朋友好震驚，點會瘦成咁㗎」，並問王為何不一早告訴她，「香港嘅醫療制度同康復制度都好全面，依家佢嘅情況好嚴重，你點可以去到呢個地步？」首被告當時稱「唔想麻煩我」，並攬著她哭。
42歲女童母親王榮汶與52歲父親凌耀忠，分別否認一項忽略兒童罪及兩項妨礙司法公正罪。社工張海侖於庭上供稱，王曾提及自己有4個孩子，其中3個則來港，張當時感到奇怪，「剩返一個喺大陸，到時返嚟香港咪好難適應，好淒涼囉」，王則解釋「阿女唔適應香港生活」，而孩子太多兼顧不來，且單位太小。
張又指，她與王於2013年6月至2015年7月間，曾面談20次及家訪等。於2015年7月23日，王主動致電張，張指「佢講俾我聽林林（涉案女童）嚟咗香港，佢依家喺醫院」，「醫生話要告佢，佢唔知點算」，其後張聯絡王的醫務社工，並在翌日到往醫院。
隨後，張向王問及受害女童的情況，王表示「佢自細就唔食嘢，好瘦，行路都行唔到」，張欲問王詳情，惟王卻表現難過，張當時認為女童天生體質較弱，並有特殊需要。而王的反應亦「好唔合理」，稱「林林返嫲嫲度食啲魚湯就會好㗎啦」，又指醫院的冷氣令女童的身體不佳，希望她盡快岀院。
張在同日晚上往王家作家訪，王透露涉案女兒早產「行唔到」，而且會拿糞便說要「餵媽媽」，而凌指自己身體不好，並須照顧母親，故照顧子女的工作便交予王，他則每星期一、兩次到來探望孩子。
法庭記者：陳詠詩
建立時間：12:07
更新時間：14:17