開拍愛情片只導不演 李克勤自嘲：好就做影帝啦

李克勤到電台宣傳新歌《單身狗》，這歌是他本年度的唯一廣東歌，故盡力宣傳，務求一擊即中。他說：「因為今年出國語碟，6月份做拉闊音樂會，今年就係咁多。」他表示每周一至四灌錄國語碟，周末就四出商演，笑說：「爸爸身份就每朝6點幾起身，負責送返學、簽單、送去踢波。」剛由成都回港，克勤稱可能坐太耐車，腰背有點酸痛，但即謂：「無事嘅，都會照踢波。」
另外，克勤透露有意開拍電影，故事大綱是比較成熟的愛情故事，也帶點幽默，但如此大的計劃，他並不急。是否自導自演？他笑說：「唔演喇，我演得幾好吖？好嘅就做影帝啦！」問到心目中理想演員？他說：「未，都唔係大資本製作，雖然楊生（楊受成）無話限資金，到時揀好幾個演員，話佢知幾多錢，佢自己揀囉！第一次做導演，可能係最後一次，希望有第二次啦！」（攝影：李樹勳）