【出道30年】李克勤拎獎惹爭議 網民力撐：欣賞佢好努力

50歲的李克勤今年推出廣東大碟，開騷兼有派台歌，成功在樂壇頒獎禮上橫掃不少獎項。他在昨晚舉行的《叱咤》，更首奪至尊歌曲大獎及男歌手金獎，入行30年的他得到肯定。

每人口味不同，網民對於李克勤拎獎各有意見，有人指「還返個獎畀啲後輩啦」、「成件事真係變得好敬老」。亦有不少網民讚李克勤值得嘉許「欣賞李克勤50歲都出隻廣東碟支持廣東歌」、「佢都冇恃老賣老呀，睇得出佢係有努力」、「講真有幾多個入行30年仲肯試新嘢出隻碟，佢今年表現係值得拎嘅」。