【叱咤】再下一城攞男歌手金獎 李克勤多謝譚詠麟

回歸香港樂壇的側田事隔10年再上叱咤台，他成功拿下男歌手銅獎。陳柏宇同上年一樣，奪男歌手銀獎，並搞笑自言有同事已提醒他上到台別表現得不重視獎項。他感言已擁有很多，不是不重視獎項，愛音樂的他已很知足擁有的一切，又話「我有一班好好嘅同事，我有班好好嘅Fans，我有個好靚嘅老婆。」

今年是李克勤的豐收年，入行30年的他興奮首奪男歌手金獎，眼濕濕的他在台上表示：「有一類歌手好似梅麗史翠普，年年攞獎，有一類歌手好似里安納度，咁多年以嚟拎一次，個個都為佢拍手。我就好似奇連伊士活，冇人記得我有冇得過獎。呢個年紀都攞到，大家要畀啲掌聲。多謝譚詠麟先生，我諗佢會為我高興。」他續感謝公司及Fans，又指「如果李克勤都得，大家都要Keep住一份希望。」