李克勤美國開騷狂收利是：夠交阿仔學費

李克勤今個農曆年於拉斯維加斯舉行巡迴演唱會，並且帶同老婆盧淑儀及一對囝囝於美國過年。克勤謂人生第一次過兩個大年初一，先是在香港過年初一與家人拜年，再上機飛拉斯維加斯，因為時差關係，到埗後再過美國的年初一。他說：「初二，初三做兩場騷，冇諗過觀眾咁熱情同咁厚愛，兩晚剩係收觀眾利是都收到手軟，真係多謝大家派利是畀我，滿滿祝福。仲有歌迷送美金銀紙花，真係保家宅保平安，收收埋埋都夠我阿仔一兩個月學費！非常感謝！」

做完兩場騷，克勤變回廿四孝老竇，為仔撲飛看Bruno Mars演出，「因為兩個仔都係佢fans ， 好鍾意佢嘅歌，我都鐘意佢，好彩有貴人幫手，都撲到靚位飛，我兩個仔睇得好開心。」完了拉斯維加斯的工作，克勤繼續同家人去玩，「兩個仔未開學，所以都計劃再帶佢哋去多個旅行，玩多幾日先返香港。」