【梁天琦案】梁否認武力對抗警方 跟人向前跑喺冇諗咁多

於前年年初二凌晨在旺角發生的騷亂事件，本土民主前線前發言人梁天琦等人，否認暴動、煽惑暴動及非法集結等6罪，首被告梁天琦第3天岀庭自辯。

片段中顯示，梁天琦曾用大聲公呼籲其他黨派「拖30個人嚟保護市民」，梁於庭上表示，當時「俾人踩台」，故想起另一候選人楊岳橋補選期間有不同泛民政黨支持，而他們都可以舉行選舉遊行保護市民。控方指岀，即是舉辦少於30人以下的選舉遊行的目的是希望保護市民，梁稱並非希望，而是反問「個啲人點解唔保護班市民而係踩台」。

控方提到黃台仰在場大叫「3、2、1、去」，與選舉遊行無關，梁同意，而被問到是否只為撞向警方防線，梁表示「冇諗咁多」，並稱「當時係想一直留喺原地」，梁解釋當時的意思是「我會一直留喺度，要清你就過嚟清」，並沒有打算衝前。梁指：「但呢樣嘢我避免唔到。」他又續稱：「周圍嘅人向前，我好難企喺原地。」但梁否認以武力對抗警方，並重申「因為我作為候選人，冇可能全部人向前跑，我就向後跑，同埋喺個個關頭，我真係冇諗咁多」。

控方又指出，梁現時的說法只是為了開脫，梁否認，並言：「因為衝過去係冇意思，係送死，結果都係一樣。全副武裝嘅警察一定有能力將我哋驅散。」

法庭記者：陳詠詩