鄭中基問鼎金像獎男主角 老婆怕醜認追B

鄭中基與太太余思敏、白只、顏卓靈及周秀娜等出席電影《大樂師。為愛配樂》首映禮時，對於憑該片角逐應屆金像獎「最佳男主角」獎項，鄭中基坦言心情不緊張，因為之前入圍過，反而「最佳原創音樂」輸了，好想邊度輸邊度拿返來，所以會瞄住這個獎項，又認為每個對手也是勁敵。
談到戲中的表現獲得讚賞，他說：「我諗導演有阻止我做好多野，有幾個Take搞笑咗，今次喝止我搞笑，否則忍唔到。」在旁的太太余思敏笑言當日有睇公布金像獎名單的直播，也戥老公緊張，又笑謂會為老公揀戰衣出席金像獎頒獎禮，盡力而為搞到老公好靚仔。鄭中基聞言搞笑謂：「呢樣最難。」他續說曾做金像獎司儀好緊張，反而今次會坐在台下的心理壓力不會好大。問到可有信心一擊即中？鄭中基即時登大眼睛，便說：「所以導演話gag啲唔應該gag嘅野。」隨即追問可會追生B？余思敏即點頭，但鄭中基笑笑口謂：「我問你又擰頭。（獲獎同生B也一擊即中？）睇下點先啦！有冇咁筍先。」