爆仔女約飯局介紹異性 薛家燕慶幸開工撞期唔使去

薛家燕向來都是新城新春團拜最受歡迎的人物，令現場氣氛喜氣洋溢。笑指家燕姐今年喜上加喜，被網民催婚與黎小田再續前緣，大可娶新抱時順道為自己選婚紗，家燕姐也搞笑的附和說：「我都有咁諗過，哈哈！其實上次在演唱會上是黎小田引我講往事，但又話我帶住3個唔知點養。（可不用他養呀。）對呀，但對住紅館萬幾人又唔可以咁講，真係有欠誠意，應該話我生多個都照要嘛！事實上我們已昇華到好朋友關係，會互相支持，所以原本他說很攰，也答應為我加碼做《流行經典50年》，都算係咁，催婚就只是大家講笑。」

問到3個兒女有否為她介紹異性？家燕姐直言有，還自爆：「仔女有約飯局，但經常撞期去唔到，否則去到都不停講電話，約睇戲但入到戲院又瞓著覺，所以都係寄情工作，不想感情事。」