【中年危機】急燥趙學而曾患情緒病：要錫自己多啲

趙學而作客TVB娛樂新聞台節目《StarTalk》接受專訪，大談將舉行首個紅館演唱會及入行多年的感受。她說：「紅館大咗，擔心自己體力能否應付，亦緊張自己表現，所以要練氣，我有跟老師上堂學唱歌同玩空中瑜伽練肌肉，肌肉緊啲身型都唔同啲，著衫會好睇啲。」

提到趙學而心態有所改變，她坦言10多年前拍《皆大歡喜》期間勁急燥，「以前拍《皆大歡喜》時個人急得好緊要，謝天華叫我做狂燥婆婆，所以一下子停落嚟，成個人有啲迷失，有中年危機，患上情緒病，多得林一峰喺工作同生活上嘅指引，當時同佢合作做咗《一期一會》音樂劇，係佢哋嗰團火刺激到我，而黃偉文搵我翻唱《最佳位置》亦喺事業上幫到我好多。」

心境變平靜的趙學而感言在工作上不會刻意追求太多成果，「有工作就去做，我係一個隨遇而安嘅人，我同我老公步伐一致，大家都係慢活嘅人。去到呢個階段，人又嫁咗，要錫自己多啲，享受下靜落嚟嘅時間，就算有幾多困難都會過，只要搵到自己嘅心態去面對就得。」