【金像獎】鄭中基入圍男主角開心到癲 新人凌文龍驚喜與前輩爭獎

鄭中基憑電影《大樂師．為愛配樂》入圍金像獎「最佳男主角」，在片中飾演古惑仔的他得知有份角逐獎項即表現興奮，「入到圍已經開心到癲咗，好難得可以拍到同音樂有關嘅電影，因為香港唔係多，所以同時要恭喜導演，咁有心拍呢啲題材。多謝投票嘅人，今年終於可以坐台下睇嘞。」

本身是香港話劇團演員的凌文龍，在《黃金花》演毛舜筠的自閉症兒子，能角逐金像獎影帝的他開心謂：「好多謝大會畀呢個肯定同鼓勵我，能夠得到提名我係非常之興奮同高興，可以同細細個就喺銀幕上見到嘅前輩一齊獲得提名，我係非常驚喜同感恩，真係諗都無諗過，我會繼續努力！」