為福祿壽演唱會練舞 阮兆祥勁減廿磅變靈活

王祖藍、阮兆祥與李思捷將於三月在紅館舉行《福祿壽十周年演唱會》，今日進行採排時，可見祥仔身形清減不少。祥仔謂修身原因想動作更靈活，因為今次跟以往「福祿壽」演唱會不同，自己的部份較多跳舞，希望身形較輕盈又好看，既節食又做適量運動去減磅，用了6至7星期時間減去廿磅，更呼籲大家毋需送花籃祝賀開騷，可以將錢捐到「福幼基金會」。

王祖藍笑謂過去幾星期覺得自己跟祥仔對換了身體，因為跟家人去完旅行就輪到同太太去，然後過農曆年吃不停。李思捷笑指祥仔瘦了廿磅的原因，是為了個人跳舞環節。王祖藍搭嘴說：「祥仔瘦廿磅不特止，仲要跳得勁過郭富城。我睇完佢隻舞後，即覺得自己好失色。郭富城都唔夠佢勁，如果郭富城做到，我請佢打邊爐。」祥仔更透露每晚有五位的嘉賓，又大賣關子首晚會有位超級神秘嘉賓。