「福祿壽」十周年 三子現身旺角快閃宣傳

王祖藍、阮兆祥與李思捷「福祿壽」踏入十周年，將於三月在紅館開騷，今日三子現身於旺角行人專用區快閃宣傳時，即場又跳又唱。談到門票銷售情況，王祖藍表示不錯，已賣了一半以上，不過也有票債，所以到演出時應會「爆場」，希望不用開日場。被問到可會加場？阮兆祥表示開騷前紅館檔期有Shine開演唱會，也沿用其的底板，但之後有周杰倫演唱會。他說：「有冇可能性加場就要睇周杰倫讓唔讓一日比我地，就唔使開日場，但夜場會夢多。但好開心十周年，反應比預期中好，好多人仲問有冇票。」王祖藍笑言預留的門票已爆滿，現在要再買票返嚟，就連朋友也沒有靚位。
提到內地廣電總局對電視節目加強監管，外國模式的綜藝節目及真人騷要兩個月前備案。王祖藍說：「要了解下，但不嬲拍的節目無乜大問題，《奔跑吧！兄弟》已經播晒。（節目多掣肘？）有乜多過TVB，都唔可以政治同太過份，所以由TVB訓練出來咁上下，我係由最保守教育電視出來，所以無問題。」對於林心如被舉報台獨，加上獲台獨津貼拍攝台獨資助劇《我的男孩》，而被抽起下架。王祖藍表示無聽過，要了解下。