李克勤美国开骚狂收利是：够交阿仔学费

李克勤今个农历年于拉斯维加斯举行巡回演唱会，并且带同老婆卢淑仪及一对囝囝于美国过年。克勤谓人生第一次过两个大年初一，先是在香港过年初一与家人拜年，再上机飞拉斯维加斯，因为时差关系，到埗后再过美国的年初一。他说：「初二，初三做两场骚，冇谂过观众咁热情同咁厚爱，两晚剩系收观众利是都收到手软，真系多谢大家派利是畀我，满满祝福。仲有歌迷送美金银纸花，真系保家宅保平安，收收埋埋都够我阿仔一两个月学费！非常感谢！」

做完两场骚，克勤变回廿四孝老窦，为仔扑飞看Bruno Mars演出，「因为两个仔都系佢fans ， 好锺意佢嘅歌，我都钟意佢，好彩有贵人帮手，都扑到靓位飞，我两个仔睇得好开心。」完了拉斯维加斯的工作，克勤继续同家人去玩，「两个仔未开学，所以都计划再带佢哋去多个旅行，玩多几日先返香港。」