粉嶺街頭驚現逾千件棄衣部分未拆包裝 網民轟浪費：折墮

港人生活得太好？粉嶺安全街下午出現過千件衣服，懷疑被人丟棄，部分更連包裝都未拆，猶如散貨場。附近街坊聞風而至，「人棄我取」。有網民對於出現「衣服山」感慨，香港人太唔珍惜物質，「好折墮」。

粉嶺街頭下午出現約40、50個紙皮箱，堆積起逾2千件衣物，當中不少仍相當「新淨」、「無穿無爛」，甚至有完全未拆包裝。有網民就呼籲區内居民前往「尋寶」，希望延續衣服的壽命，「救得幾多得幾多」逃過送往堆填區的厄運。

有現場市民指，「好多倉底貨喺度啱嘅朋友去搵搵」、「仲有十幾箱都未開箱」。網民就指，「點解唔捐咗佢，浪費」、「社會富裕，物資過剩，淪為垃圾，好可惜」，有人更指「執俾狗仔舖坐都好過掉」。

有人就估計，該批衣服很大機會是完全無市場，「否則送去深水埗街邊小販或者運上大陸散貨都好過，起碼唔洗完全回唔到本」。