旺角街頭主持《百萬富翁》 樂瞳嗌到喉嚨痛

樂瞳（Cilla）日前現身旺角街頭，為成功復活的亞視宣傳《百萬富翁2018》，Cilla落力呼籲途人下載手機Apps，又做主持人跟大家即場玩《百萬富翁》，途人踴躍舉手要求試玩，引來大批市民圍觀，Cilla也非常肉緊，同所有參加者打成一片，提示聲歡呼聲此起彼落。她說：「街頭玩好有氣氛，大家好多互動，上次我參加了名人版《百萬富翁》，終於明白點解志雲大師（陳志雲）在廠做主持會成頭汗，原來真係會替參加者緊張。題目有淺有深，我最叻應該是音樂題。」
Cilla最終不停呼籲了一個小時，更玩到喉嚨痛，說：「太開心嗌到忘晒形，其實我還有另一個節目《今晚見》要錄影，逢星期三播出，我同朱慧敏及曾華倩做主持講時尚資訊，我更會唱經典歌，希望喉嚨無事唱到啦。」Cilla笑說三個女人一個墟，跟朱慧敏及曾華倩非常合拍，大家一埋位便傾過不停。她可以再唱歌給觀眾聽，感覺好興奮，希望大家都記得她除了是演員也是一位歌手。