國際小姐超班過港姐 香港代表王詠珩美貌與智慧並重

今年的港姐競選惹來一片噓聲，有網民戥仙氣十足的伍樂怡三甲不入好唔抵，又笑冠軍雷莊𠒇哨牙，似泰國、菲律賓小姐多啲，加上雷莊𠒇太過愛為自己發聲，態度似乎唔夠謙卑，一律引來唔少網民Dislike佢，網民甚至要求港姐改名「TVB小姐」。 跳出TVB放眼國際，「2017國際小姐」在7月時已有結果，網民激讚中葡混血兒的澳門代表麥嘉欣（Sofia Paiva）靚到暈，其實香港同樣有代表，兩位佳麗11月將齊齊去東京競選國際小姐，現已積極進行特訓。 國際小姐香港代表V.S.港姐冠軍雷莊𠒇，睇你會點揀。連日來大家都已經對雷莊𠒇有一定認識，至於「香港代表」就是現年23歲，身高5呎8吋半的王詠珩（Wing），在比賽中擊敗14名對手成為代表。Wing在一年前於英國大學的傳理學系畢業 ，身形高佻的她回流後全職做Model，為唔少大牌子拍過廣告，並同TVB藝人江嘉敏份屬好友。Wing同澳門代表麥嘉欣一樣名花有主，Wing的男友是位金融才俊，她亦不時在社交平台放閃，小情侶相當恩愛。