ig直播講英文 雷莊𠒇回應被批醜：唔應該齋睇樣

出爐應屆港姐冠軍雷莊𠒇（Juliette），昨晚為TVB周刊拍攝封面後，約凌晨2時由無線安排乘坐七人車返回炮台山的服務式公寓休息。手持鮮花的她由保母陪同下車，公寓大堂未見有家人等候。問到Juliette如何慶祝？她說：「未諗點樣慶祝，太攰喇。（父母等緊你？）係呀！（準備香檳同你慶祝？）咩都未知呀！（會唔會食啲嘢慶祝？）希望啦，最想食炸雞。（你拎冠軍網上有唔少批評？）唔會唔開心，世界上人人有自己嘅意見。」 面對網民惡評，雷莊𠒇今日在instagram（ig）開直播發聲，話唔想講中文因為英文先至可以清楚表達她的想法，加上在ig直播的主要對象是加拿大的朋友，並無厘頭指「我上BBC受訪會講中文」。她又表示尊重不同人的意見，唔介意負評，最重要是愛自己，亦知道自身的價值所在，更想不到已經是2017年，香港依然保守。講到有指她有位富爸爸，雷莊𠒇寸網民可能唔夠聰明，竟然相信報道。 雷莊𠒇奪冠引發網民挑起罵戰，她覺得失望，並多謝支持者，被人批評醜樣的她再重申「I don't care」；開Live不是為了辯護，自己會變得堅強，亦開心能勝出比賽，望大家停止攻擊她。她認為網民有言論自由，不過唔識睇中文的她，直言不會浪費時間去翻譯，又問反對者不滿賽果，難道想她放棄后冠？雷莊𠒇直言不會這樣做，只會花時間去理會支持者，明白無可能全部人鍾意她，最重要是開心生活，不去討好別人。