20歲澳門小姐麥嘉欣勁省鏡 網民讚完勝哨牙雷莊𠒇

選完新一屆港姐後，連日來都被不公平賽制、冠軍雷莊𠒇洗板。放眼睇睇「2017國際小姐澳門代表」麥嘉欣（Sofia Paiva），網民都覺比起今屆的港姐冠軍，係差天共地，似乎隔離飯香，鄰近地區的佳麗靚多多聲，兼且同無線新聞主播陳嘉倩有幾分似樣。 20歲的麥嘉欣是位澳門土生土長的中葡混血兒，身高5呎7吋，五官深邃十足洋娃娃，皮膚白裏透紅，加埋笑容甜美，可以話係冇得輸。麥嘉欣現時在大學讀心理學，11月將會代表澳門到東京參與國際小姐競選；仲有麥嘉欣講廣東話流利，中文程度掂過雷莊𠒇。 靚女當然多人追，睇麥嘉欣的面書，已經名花有主，不時同男友四圍吃喝玩樂，今年情人節男友仲送上大大粒鑽戒，麥嘉欣仲開心話「My love Diamond」。 再睇返麥嘉欣中學生年代Baby Fat的照片，有做過兼職Model，亦都有過「MK妹」打扮，長頭髮齊瀏海、加埋影相高炒伸脷，不過依然係同一個靚樣，睇得出冇後天加工。網民一致大讚麥嘉欣完勝雷莊𠒇，「okay我投降澳門win」、「望見澳門小姐，我感覺到春天嘅氣息，回頭望番自己香港........唉」、「mix屈晒機啦」、「無話可說，殺晒」。