雷莊𠒇自信笑容冇問題：我男友係牙醫都唔使我做手術

《2017香港小姐競選》4名得獎佳麗，出席大會化妝品贊助商領獎活動。冠軍雷莊𠒇連日被網民惡搞，她坦言這幾天都很累，沒有留意網上評論，寧願爭取時間休息。 談到雷莊𠒇昨日於instagram直播，又惹來網民謾罵，指她態度囂張。她說：「佢哋唔明我講咩，我英文比較好，所以講英文。我想講好多男仔女仔都好負面，想佢哋正能量，唔好嗌交。佢哋影響唔到我，我好好，好開心。」問到可會認真看網民抨擊的言論？她說：「我唔會嘥呢啲時間，我專心學好中文，雖然我中文唔好，但係我有第二啲可代表到香港。」 提到有惡搞片段，將她的嘴巴放大好幾倍，雷莊𠒇似乎都有看過，她笑說：「我知我笑容好大，但我覺得唔係問題。（男友有否慰問？）佢好驚訝我俾人話，我男朋友係牙醫，佢唔覺得我需要做手術。」 此外，黃秋生於Facebook留言談到雷莊𠒇，秋生說：「D（啲）契弟識條毛咩，話人菲律賓小姐，菲律賓小姐出名靚女，又話人棚牙，棚牙好有性格，好口才。佢唔係靚，係好有型。」褒貶難分。雖然雷莊𠒇對秋生是誰毫無頭緒，但她亦笑說：「唔知邊個，剛剛先知，多謝啦！」另外，雷莊𠒇連日被狠批，亞冠何依婷認為影響不到對方，因為雷莊𠒇夠堅強，會處理到外界批評，她說：「欣賞佢樂觀正面，要向佢學習。」 幾位應屆得獎港姐出席領獎活動後，登上TVB公司車，等車期間吸引大批途人圍觀，好多人舉手機影相，眾佳麗在車上換衫走人。雷莊𠒇拿蛋糕及一袋物品返到位於炮台山的服務式住宅，落車時向記者打招呼，透露晚上見父母。10多分鐘後她再落樓，到隔離蛋糕店放低蛋糕，和店主傾談一陣後乘的士到鰂魚涌一座商廈。