劏房冧露台繼續住　陳生憶述「半天吊爬入屋」

紅磡機利士南路50號唐樓，昨日發生塌樓事故，一樓突然「冧露台」，石屎半空中「危危乎」，住客險墮樓。在涉事單位居住的陳先生今早接受電台訪問，坦言自己打算住回該單位，內部還有一間房，相信政府檢查過後證明安全。 陳先生再親述「倒塌一刻」，醒來時驚覺石屎「大穿窿」，「（碌架床）經已斜咗，爬返上去，嗰度仲有一塊（石屎）未冧」，他又指露台位置本來只放置一個雪櫃及一個書桌，而事發前單位內的橫樑亦有少少裂痕，後來補了英泥，坦言「原本以為無咩嘢」，豈料差點墮街。 他又指出，連同朋友兩個人居住在劏房單位，每月3000元租金。被問及屋宇署發出勸諭信，他指自己不知道，亦無收到文件，但十多日前曾經有三個年輕人、陌生人在門口自稱樓宇檢修，但不便透露。 陳先生稱，無向業主反映橫樑有裂痕，以爲維修幾年，2011年搬入、2012年檢修過，以爲不會出問題。他又指，其他租客都無提出有問題。 前土力處長教睇冧樓先兆　地板裂痕門窗難開高危　(按這裏閱讀) 劏房冧露台繼續住　陳生憶述「半天吊爬入屋」　(按這裏閱讀) 冧露台唐樓完成鞏固　搶修路面料下午重開　(按這裏閱讀)