Kelly Online：倪匡印印腳　搵契女做「經理人」

近年過著消遙自在生活嘅倪匡，平時除咗看書，近年還迷上睇內地電視劇。雖然書迷期待倪老有新作推出，不過佢就話眼朦手慢，已經無計劃寫書。不過近年不少內地製作人都有興趣搵倪匡將其作品拍成劇集，唔少人找上門洽商。倪匡就話自己年紀大，未必有體力處理，最近就搵契女做「經理人」，訂明本月6日起將倪匡著作的一切衍生版權，委托契女施陳麗珠(珠姐)全權代理。 倪匡話以前咁多作品，有些著作曾經授權過其他出版社，自己都未必記得晒，所以交給豐林文化傳播的珠姐負責接洽，他就無事一身輕，繼續笑看風雲。 最近特首選舉「跑馬仔」好精彩，倪匡笑言都有留意，問佢有乜心水，他吐出三個字說：「無懸念。」倪匡笑說，近年不問世事，閒來喜歡作打油詩：「起身坐低吔吔叫，行多兩步攤攤腰，食飽瞓瞓瞓飽食，叠埋心水等寵召。」這種生活態度，真係好寫意呀。