星8卦丨「大隻」以為嫁硬「才華」被拋棄 搵個男人扮結婚激將法害自己下半生

「大隻」係一個自視好高嘅女人，當初鍾意「才華」完全係任性，仲搞到人哋老婆要生要死。「才華」同任何男人無分別，有後生女埋身梗係來者不拒，後嚟「大隻」控制唔到自己嘅感情，一直對「才華」死纏爛打，所以「才華」最後將佢捧到揚名立萬。當人人以為兩個人一定可以行到最後，但「才華」話咁快就同另一部自己捧出嚟嘅女主角公開戀情。

相關閱讀：星8卦丨「凍凍」為生活畀「書生」嫌棄 遇「英俊」搭棚呃身家苦命女人

「大隻」直情癲咗，加埋好勝心驅使，佢即刻搵人喺外地影咗啲親密相，等啲人視線去晒自己嗰度，仲好快主動話畀人知呢個係自己未婚夫，兩個人秘密拍咗拖幾年，而且好快結婚。「大隻」好聰明，搵咗呢個所謂未婚夫其實係佢之前一位老相好嘅經理，兩個人夾埋真係做咗場好戲，仲度咗個故仔包到經理係一個出色嘅人材。

呢幾年佢兩個都仲時不時扮畀人撞到，因為「才華」最近又做咗老豆，每逢對方有喜事或攞獎，經理呢個工具人即刻要出嚟配合做返場恩愛戲碼。「大隻」反正都係用自己方法令身家豐厚，而且同經理一齊入埋外國籍，門面幸福到完全無破綻。不過為咗激一個唔肯娶自己嘅男人，犧牲下半生可以搵到倚靠嘅機會，又真係偏激咗同固執咗囉！

 

其他文章：

星8卦丨「妹妹」被老豆拋棄艱苦養家 「猛爺」重拾初戀愛得認真

星8卦丨「嬌嗲」任性離婚捱窮重病 前夫重情義照顧成為好朋友

星8卦丨「媽咪」命苦嫁錯又嫁錯 靠「世家」包養生活無晒朋友

星8卦丨「氣質」「混血」太窮被逼分開 癡戀「專業」騙財騙色以為執到

星8卦丨「姐姐」 一早食咗「俊俊」 安排認愛形象正面長做長有