星8卦丨「阿太」搵錯「三吋釘」玩失蹤唔合作 下封殺令終於蒲頭

呢個世界唔係人人都識衰過一次就知悔改，好似「三吋釘」又有下文嘞。呢排大家見佢又可以喺唔同地方出現，睇嚟已經鬆綁，畢竟有啲人氣嘛，幫手搵錢跑數嘛！「阿太」唔覺意見到佢嘅演出，見身高又唔差太多，所以主動搵經理人話請佢做男主角， 側邊啲人都話佢大膽，呢條仔唔簡單㗎！

相關閱讀：星8卦丨「倒𥄫」情場多波折 貼錢打本益「番鬼」以為有得嫁\'

雖然佢有好好地咁完成工作，先唔講「三吋釘」做得好唔好，但就喺後期好多工作要配合，「三吋釘」只出過嚟 一次，覺得已經完成責任，之後直情唔覆電話，連經理人都搵佢唔到。「阿太」初時都由得佢， 但出嚟成績唔太理想，於是發爛渣，親自留言，話如果再唔蒲頭，一定用方法封佢盤。

「三吋釘」難得可以返嚟，唔使再離鄉別井，盡情媾女、盡情玩不良嗜好，呢段時間唔見人就係過咗隔離埠，玩到唔知日唔知夜，不知幾開心。終於喺「阿太」嘅嚴重警告之下，「三吋釘」乖乖地好有禮貌咁同「阿太」講最近有啲感情問題，所以意志消沉喎，「阿太」信你都傻，雖然後悔，但都要完成埋成件事好頭好尾吖嘛！

其他文章：

星8卦丨「四方面」割價霸住做大場第一個 威畀前度心魔放唔低

星8卦丨 「扮勁」狗眼睇唔起人 教仔搵有錢人做朋友 窮人咪埋身

星8卦丨「勇仔」後生捱壞身體 頻頻大病連累蝕大本坐冷板

星8卦丨「大仔」愛姐姐「阿媽」經濟封鎖 老竇出手支持幫「大仔」繼續愛

星8卦丨「乖巧」人前人後兩個樣 埋怨公司推job錯失攞獎機會

星8卦丨「敗家」痴迷「平凡」 「正室」靠老爺度橋捉姦保住頭家