星8卦丨「凍凍」為生活畀「書生」嫌棄 遇「英俊」搭棚呃身家苦命女人

「凍凍」其實可以上岸，可惜成日儲埋一筆就冤枉使咗，好似一家人都唔做嘢，連細佬妹生嘅仔女都希望家姐養埋。「凍凍」成世人最想係搵頭好人家上岸，有個老公頂住屋企班廢人。

 

相關閱讀：星8卦丨「妹妹」被老豆拋棄艱苦養家 「猛爺」重拾初戀愛得認真

 

好似同「書生」拍咗咁多年拖，對方啲大男人格局都好難頂，但「凍凍」都好似妹仔咁喺化妝間跟出跟入服事周到。「書生」曾經有一刻諗過娶佢，但知道咁多年「凍凍」都有賣身養家，因為自己未紅畀唔到生活費。拖咗咁多年終於有次嘈交，「書生」坦白講嫌佢污糟所以唔會畀佢有名份，「凍凍」終於清醒要為下半生諗橋。後嚟撞到「英俊」好似好勁，出入靚車住山頂，而且兩個人好登對咁。

 

直到「凍凍」無防備咁聽「英俊」話投一項必贏項目，結果唔夠半年，「凍凍」已經唔見咗8位數字嘅老本。然後有相關部門嚟搵「凍凍」先知乜嘢靚車豪宅，都係租返嚟，呢位「英俊」喺第二個地方衰咗至嚟呢個地方繼續呃人，「凍凍」咁啱想搵人錫，「英俊」𥄫中呢顆寂寞嘅心，於是搭個靚棚做齣好戲，「凍凍」太想埋街食井水，結果人財兩空，仲要惹上官非。落泊到要問「書生」借錢，念在一場相好，都拎咗 8位數幫佢過關，真係太多女人成日死係個情字手上，恨錯難返。
 

其他文章：

星8卦丨「嬌嗲」任性離婚捱窮重病 前夫重情義照顧成為好朋友

星8卦丨「媽咪」命苦嫁錯又嫁錯 靠「世家」包養生活無晒朋友

星8卦丨「氣質」「混血」太窮被逼分開 癡戀「專業」騙財騙色以為執到

星8卦丨「姐姐」 一早食咗「俊俊」 安排認愛形象正面長做長有