星8卦丨「姐姐」 一早食咗「俊俊」 安排認愛形象正面長做長有

全人類見到「俊俊」咁快畀「姐姐」收服個個都話嘥料。點解？因為「俊俊」高大靚仔有條件，傻里傻氣好得到男男女女歡迎，而且唱得演得又可以畀人玩，絕對係未來一個可以成才嘅年輕人。但佢就好快自己封咗盤，公開有女朋友，初時大家又係尖叫聲連連，嘩！咁好仔，癡心情長劍呀，呢個年頭認愛係會加分嘅！

相關閱讀：星8卦丨「木面」靠「俊哥」射住任駛錢 「富豪」割席自保被逼再出山

雖然大家都話「俊俊」見識少，入咗呢個大染缸唔到你咁癡情，大把花花草草任你採摘， 但「俊俊」 咁多年的確唔多受媾，因為連一夜情都畀「姐姐」𥄫到實，咁多年都係要喺屋企你一間房我一間房咁樣相處，話方便照顧。

因為當初「俊俊」係「姐姐」嘅學生，對「俊俊」好到似阿媽，雖然大幾年，「俊俊」青春期都好鬼生猛，所以兩個人共處一室耐咗，感情唔再係一般師生關係，而「俊俊」入行亦係「姐姐」一手一腳幫忙，人就係煩啲，但對「俊俊」嚟講係最大利益得着嘅人，所以佢係 由得「姐姐」做霸王雞乸，自己永遠係好人角色。

至於一早認愛亦係「俊俊」嘅真心，因為橫掂飛唔出呢個女人掌心，不如自己再加下分啦， 令到側邊啲女人恨下又何妨，總之形象正面就唔驚無得撈！

 

其他文章：

星8卦丨「阿太」搵錯「三吋釘」玩失蹤唔合作 下封殺令終於蒲頭

星8卦丨「倒𥄫」情場多波折 貼錢打本益「番鬼」以為有得嫁

星8卦丨「四方面」割價霸住做大場第一個 威畀前度心魔放唔低

星8卦丨 「扮勁」狗眼睇唔起人 教仔搵有錢人做朋友 窮人咪埋身

星8卦丨「勇仔」後生捱壞身體 頻頻大病連累蝕大本坐冷板