星8卦丨「媽咪」命苦嫁錯又嫁錯 靠「世家」包養生活無晒朋友

人又點敵得一個窮字呢，所以上流社會中對於「媽咪」拋個身出嚟等人包養，又真係好體諒。話說「媽咪」真係應咗紅顏薄命呢句話架，嫁第一個老公原來係畀男人過橋，奶奶難頂到唔夠半年就自己提出離婚，之後嫁個老豆係專業人材，個仔就扮有料其實搵唔到錢嘅二世祖，生咗兩個又唔得老爺鍾意，但都要死忍落去。

相關閱讀：星8卦丨「氣質」「混血」太窮被逼分開 癡戀「專業」騙財騙色以為執到

點知二世祖北上媾女斷正，一次又一次，做女人都要面，何況「媽咪」都有啲知名度，大家以為佢今次嫁得好啲，最後又係衰咗。不過有啲嘢都唔想再忍，「媽咪」決定帶埋兩個細路自己生活。夫家都冇乜錢，又邊度攞到幾多贍養費吖，靠以前做幕前一啲積蓄都唔捱得好耐，所以搵咗經理人將自己賣出去。

最不智係第一個賣畀「世家」，佢老婆係自己出出入入嘅閨蜜，諗住無人知就唔怕，點知「世家」 有次忍唔住同啲朋友提起話「媽咪」好正，得閒可以幫襯下，咁樣就傳到人哋老婆耳中，朋友都無得做。不過唔係「世家」幫口去賣，「媽咪」啲小朋友又真係唔夠生活費，呢啲咪係人窮志短囉！

 

其他文章：

星8卦丨「姐姐」 一早食咗「俊俊」 安排認愛形象正面長做長有

星8卦丨「木面」靠「俊哥」射住任駛錢 「富豪」割席自保被逼再出山

星8卦丨「阿太」搵錯「三吋釘」玩失蹤唔合作 下封殺令終於蒲頭

星8卦丨「倒𥄫」情場多波折 貼錢打本益「番鬼」以為有得嫁

星8卦丨「四方面」割價霸住做大場第一個 威畀前度心魔放唔低