劉鑾雄籲政府積極做事救樓市 評東涌東站流標「有錢入都唔敢入」

華人置業（0127）前主席劉鑾雄（大劉），今日舉行記者會為太太甘比闢謠，同時亦向傳媒分享對香港樓市睇法，他指出政府應積極做事，否則「樓價冧咗唔易救得起」。此外，對於港鐵東涌東站1期項目流標，大劉表示：「有錢入都唔敢入，睇門口好過」。

對於近期樓市下行，大劉表示：「5年前買樓，今日咩價錢大家都知啦 ，無論租樓、買咗樓、供緊樓、住公屋，大家都知今日咩環境」。他認為：「如果政府唔再積極做啲事，（樓價）繼續跌，冧咗都唔易救得起」，形容政府「撤辣又驚，唔撤辣又驚」，明白政府難處。他指出，如果美聯儲再加息，高息持續會令人感到辛苦，亦留意到不少報道指出銀行有意「CALL LOAN」。

而昨日港鐵東涌東站1期項目流標收場，大劉表示，不論賣魚蛋或是地產，做生意是計及成本與利潤問題，有盈利便有人做。形容東涌東站1期項目「有錢入都唔敢入（票），睇門口好過」。

---

上車驗樓，星島搵專家幫你手！如果你有新盤驗樓、裝修分享、上車故事、按揭疑難、樓市揭秘......總之同樓有關，而你又好想我哋幫手，快啲Email：[email protected]

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ