打工仔寫「4字揮春」即令老闆黑面 網民嘲「裁員講中」｜Juicy叮

臨近農曆新年，不少人亦已提早準備揮春等物品。有打工仔則分享指，日前與同事一同在公司寫揮春，「當係飯後新年gathering咁」。誰料，其中一名平日「懶風趣」的同事在寫上「4個字」後隨即令老闆「黑面」。

該名打工仔近日在香港討論區以「同事喺公司寫揮春寫咗咁嘅字搞到老細即刻黑面」為題發文，提到公司日前在午飯後要求「成team人一齊寫揮春，當係飯後新年gathering咁」。期間，一名平日「懶風趣」的同事「好似著晒魔咁樣」，表示自己想出不少四字成語可以使用，「寫到最尾佢寫埋啲英文四個字嘅粗口落去，仲大大聲問我哋係咪好正」，更揚言要張貼在自己的座位。

樓主分享及網民回應請點擊組圖瀏覽：

提起農曆新年，就不得不提揮春。資料圖片

部分人更會親自寫揮春。資料圖片

樓主指，一名平日「懶風趣」的同事在寫上「4個字」的揮春後隨即令老闆「黑面」。《愛回家之開心速遞》劇照

不少人亦認為該名同事不懂得做人處事。網頁截圖

有人直言「大把呢啲懶風趣嘅人」。網頁截圖

有人直言「咁嘅人被炒都唔抵可憐」。網頁截圖

有人直言「玩大咗」。網頁截圖

有人笑言「裁員講中」。網頁截圖

樓主指，老闆平日已算是可以講笑的人，當看到該名同事高舉那張寫有英文的揮春後，「本來笑笑口即刻黑面」。不過，該名同事卻看不到老闆臉色突變的情況，「我哋寫完揮春出返去埋位做嘢之後，我哋即刻細細聲叫佢掉咗張揮春佢，佢仲話寫得好地地做咩要掉咗佢」。樓主續指，「依家老細仲要走咗入房嗰陣勁大聲拍埋咗對門，出返嚟之後話我哋下年唔會再寫揮春，我咃係咪多得呢位同事唔少？」

相關新聞：

質疑同事為避派利是新年放長假 打工仔反被批似乞兒｜Juicy叮：https://bit.ly/3QNGbLy
經理不滿僅獲加薪$XX批侮辱 一舉動嚇窒全場同事｜Juicy叮：https://bit.ly/3QNG7vi
返錶舖新工見識何謂有錢人即嚇呆 打工仔嘆「貧窮限制想像」｜Juicy叮：https://bit.ly/3QIbZBp

相關帖文隨即引起網民討論，不少人亦認為該名同事不懂得做人處事，「咁佢又衰嘅，做生意好講意頭。佢唔識做人，寫下新春大吉、身體健康、心想事成咪算囉」、「大把呢啲懶風趣嘅人」、「咁嘅人被炒都唔抵可憐，玩嘢只限熟人同階級」、「玩大咗」、「生意人通常係信邪之人！過新年講意頭！咁樣做唔多老嚟！今年如果生意唔好，你嗰個傻仔同事要食死貓了！正傻仔！」、有人則笑言「老細係咪跟住寫咗張『裁員滾滾』畀佢」、「可能新年後見佢唔到了」、「裁員講中」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ