容祖兒重啟巡演到大馬開唱 「遲到」兩年眼濕濕：我冇乜點變係咪？
2022-11-07 17:50 
容祖兒原計劃2020年展開pretty carzy 演唱會巡演，隨着疫情緩和，終於得以重啟，今次祖兒再出發，更一連到馬來西亞、溫哥華、加拿大、大西洋城、拉斯維加斯及雷諾等多個地方開唱，令歌迷非常興奮，門票更一早搶清光！而第一站馬來西亞更帶埋祖媽同行，祖兒坦言好久未同媽咪旅行，所以開騷前特別到吉隆坡逛下、嘆下美食，笑言：「諗住咁耐冇去，都未必有人認得我啦，點知最後結果係，冇人唔認得我，哈哈……我係咪好傻？」
【相關閱讀】：容祖兒Twins合體「下一站容我開唱」維港音樂會 唱盡經典廣東歌
【點撃睇容祖兒pretty carzy 首場大馬演唱會巡演】：
至於在大馬雲頂開場，觀眾熱情令祖兒感動到眼濕濕，她感慨表示：「終於來到馬來西亞！好開心！期待咗好耐喇呢一日！有冇場觀眾，2020年3月21號本來要來？等到今日？」全場舉手歡呼，「我心情真係非常興奮，等咗兩年有多，呢兩年大家有咩變化，肥咗？有咗？哈哈。我冇乜點變係咪？ 我彈琴彈來練來去個隻歌， 哈哈。我堅守住㗎，一定要彈番俾大家聽。」
祖兒又謂，一個月前為巡迴開始排舞，運動修身、彈琴練歌，所有回憶都返晒來，其實疫情這些日子，每當夜欄人靜，孤單寂寞時，都是靠過去的回憶，同自己講︰「我要努力，堅持！幾年後一樣可以有一個好騷俾大家睇！而呢個願望今日終於實現。hello你哋好嗎？呢一次世界最遙遠的距離 令我好珍惜今次重逢，等我望清楚大家面容，你哋都辛苦啦，呢段漫長日子，每個人都咬實牙關渡過各人生活的難關…… 所以我想送呢首新歌比大家︰ 《辛苦你了》。」
由於觀眾反應太熱烈，安歌又安歌，最後祖兒唱多了三首歌才完場，她坦言舞台真的是一個讓她極速叉電的地方，上台後整個人都充滿力量，「我有時會覺得自己，落台後就一無是處。我真係好需要舞台，掌聲同大家鼓勵，第一場觀眾已經令我充滿力量，歡呼聲燈海感覺返晒來，重即刻有力量開始同演唱會總監馮貽柏研究新騷啦！」
【其他文章】：
草蜢演唱會丨容祖兒觀眾席合唱覺得好搞笑 蘇志威輕撫女舞蹈員Pat Pat
胡杏兒43歲生日老公冧爆言論閃盲網民 胡定欣露膊到賀騷性感鎖骨
已故賭王兒子何猷君二女Romee正面首曝光 孭Chanel絕版包包三代同框合照
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應