容祖兒離港多時終返香港 預告明年在港開騷：邊度有舞台就喺邊度唱

紀念一代樂壇教父羅文逝世20周年的《羅文•傳承 全城紀念演唱會》昨晚在紅館舉行，演出歌手包括張敬軒、容祖兒、XiX (莊殷玥、劉芷君、梁善知、鄧曉殷、繆昀希及楊秉頤）、鄭欣宜、羅家英、汪明荃、草蜢及王菀之等，而楊受成與太太陸小曼亦有到場欣賞。張敬軒以《好歌獻給你》為演唱會打頭陣，身為羅文徒弟的容祖兒壓軸出場，唱出《留給這世上我最愛的人》及《掌聲響起》，大會特意安排羅文曾戴過的紳士帽與mic stand一起在台下緩緩升上舞台，並在四周加設煙花效果，螢幕上亦展示羅文帶着這頂紳士帽時的照片，向羅文致敬，非常有意思。

祖兒難忘與師父相處的日子。

有好多開心回憶！

初登紅館的女子組合XiX成為全場最年輕的後輩。

對於初登紅館，XiX表現得非常興奮，紛紛表示心情仍未平伏。

欣宜話希望到自己的fans能與神徒在台下一起唱歌跳舞。

Joyce唱得好陶醉。

Joyce好榮幸唱到羅文嘅歌。

欣宜為羅文扮得靚靚上台！

欣宜稍後與Anson Lo開會傾演唱會細節。

Joey好享受個舞台。

Joey唱得好陶醉。

Joey演譯羅文嘅歌。

 

祖兒預告下年會在港開騷。

有一段時間主力喺內地發展。

祖兒日前同個fans有小型聚會。

祖兒笑指最近多了時間在港，故與侄女相處時不用再warm up。

Joey透露早前與阿嬌及公司同事聚舊，不過現時阿嬌亦已飛走。

身穿黑色禮服的張敬軒以《好歌獻給你》為演唱會打頭陣。

軒仔好享受喺台上演出！

軒仔好享受舞台。

軒仔好享受舞台。

Joey對於這個演唱會覺得非常感動，她指今晚大家也是為了老師而來，特別是唱《掌聲響起》時亦特別感觸，皆因能感受到老師當時唱這歌時的感覺，Joey又憶述自己在1999年首次上舞台的經過：「嗰次係老師排除萬難、唔理任何人話『我要帶容祖兒上台』，我三年冇去紅館演出，亦都係老師帶我上台，我覺得呢個感覺好得意。」Joey透露今次演唱會的監製及音樂總監，也曾跟羅文合作，所以這個演唱會充滿了很多感情，Joey指開心的是這次演唱會，除了有老師的學生及老朋友參與外，亦有很多後輩，可將老師的音樂繼續承傳，令她覺得加倍有意義。

問到久未在港開騷的Joey，是否想重踏舞台，她說：「邊度有舞台就喺邊度唱，我好簡單好純粹，我同Alex都傾緊，下年應該會搞音樂會，等再多啲資訊嘅時候就會同大家公佈，不過應該唔係紅館。」問到下年是否會放多點時間在香港，Joey表示會，因為會做一些演出，所以亦要多放點時間做準備，問到fans是否有投訴？她笑說：「冇投訴，小別勝新婚，早兩星期曾搞過一個小型的歌迷聚會，嗰次都唱咗好多歌同玩咗好多嘢，補返數喇！」

至於曾話過羅文差點會變成「爸爸」的欣宜，則唱出《親情》，以粉紅色低胸開叉長裙的欣宜，解釋只是着得端莊，因羅文生前講過上台着得靚，才是尊重舞台、觀眾及自己的表現，她說：「原本造型師揀了一套黑色衫，但我覺得Uncle Roman見到嬌俏嘅顏色會開心。」

欣宜與盧瀚霆（Anson Lo）原定於9月合演的叱咤《神之拉闊》宣佈訂於下月13日舉行，欣宜對此表示很期待，又笑言希望到時能看到自己的fans能與神徒（Anson Lo粉絲暱稱）在台下一起唱歌跳舞。問到欣宜是否已跟Anson Lo傾談演出細節，她透露下星期將會開會，欣宜更笑指自己很心散，皆因當見到Anson Lo去日本旅行，只記着問他有沒有買禮物給自己，忘記問演唱會的事情。雖然Anson Lo休息了兩個多月，但欣宜認為他已準備好復出：「我覺得佢好尊業，作為朋友，唔想觸碰他太多（情緒），唔想打擾佢，我諗佢會有佢嘅方法去處理。」

此外，平均只有14歲的女子組合XiX成為全場最年輕的後輩，她們以全白打扮初登紅館舞台，與《聲夢2》評判陳潔靈合唱《浪淘沙》及跳唱《在我生命𥚃》，雖然首次踏上紅館舞台，但未見怯場，表現非常不俗。

【其他閱讀】

朱茵11歲靚樣驚為天人臉尖尖靚過P咗圖 純天然美人照吸引逾10萬人睇

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ