獨家丨陳嘉桓戒酒變宅女同Bosco斷聯絡 轉行皮紋分析師做埋愛情顧問

擁有D Cup上圍兼長腿的29歲陳嘉桓（Rose）幕前產量唔多，因為她已由演員「踩過界」成為大腦皮紋分析師，之前仲以導師身份參與兩班學員的畢業禮。Rose更學以致用變身「愛情顧問」幫朋友解決疑難，單身的她享受宅女生活，再冇關注過氣緋聞男友黃宗澤的動態，坦言IG已Unfollow他。採訪：方騫平 頭髮化妝：Makeupbysueey

減肥成功的陳嘉桓，身形回復窈窕，並展示滑溜玉背。

陳嘉桓有模特兒身形。

陳嘉桓笑容甜美。

Rose高人一等。

陳嘉桓白膚白滑。

3年前，陳嘉桓只是皮紋分析「小師妹」，完全冇諗過會做到小師傅：「𠵱家識朋友先睇佢隻手指，對方應該會好高興。我成日話，新相識未必咁快會表露個人性格，睇完佢皮紋嘅設定，會知道用乜方式同佢溝通，都試過因為咁避開啲追求者，都幾有趣。」 

陳嘉桓由3年前皮紋分析「小師妹」，變身成為小師傅。

Rose初相識朋友，先會睇對方皮紋。

以狗種比喻同黃宗澤唔啱KEY
因為3年疫情，加上工作轉型，完全改變了Rose貪玩性格：「𠵱家戒咗酒，少咗同朋友聚會，多咗時間留喺屋企煮吓飯，陪伴家人及小狗，簡簡單單又一日，真係唔想再浪費時間(飲飲食食)，而且人生中除咗拍拖仲有好多嘢。」她又表示𠵱家先知道自己需要乜嘢生活模式，已踼走所有負能量的朋友，社交網追蹤的朋友愈嚟愈少，更承認IG冇再Follow黃宗澤（Bosco），仲話：「佢啲嘢唔係特別好睇，我比較鍾意睇狗仔及煮食！」記者指Bosco都係狗癡，點知Rose卻耍手擰頭說唔啱：「但狗種唔同，我養迷你貴婦，呢啲寵物類型模式比較簡單；佢養唐狗，大狗應該係活動型，性格比較外向，需要散步同行山。」至於點形容同Bosco關係？她說：「我係有佢電話號碼嘅朋友，但唔會聯絡佢，不過又唔使block咗人哋電話號碼嘅！」

Rose表示跟過氣緋聞男友Bosco已冇聯絡。

疫情下Rose多咗時間陪家人及愛犬。

Bosco愛養唐狗及大型狗種。

Rose擁有D Cup上圍兼長腿。

Rose父親後生又靚仔，經常被誤會係新歡。

Rose𠵱家鍾意留喺屋企做宅女。

陳嘉桓明天30歲生日，決定留港和家人簡單食飯便算。

嘉桓同提拔佢嘅何國鉦好老友。

Rose係有料之人。

陳嘉桓有咗個人事業少咗幕前演出。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ