陳慧嫻57歲生日宣佈加盟英皇最想同老友克勤「新生代」祖兒合作

2022-07-28 13:45

今日（28日）是陳慧嫻（Priscilla）的57歲生日，同時亦藉著這個特別的日子正式宣佈加盟英皇娛樂。英皇眾藝人及經理人霍汶希（Mani）均送上祝賀，包括容祖兒、謝霆鋒、任達華、惠英紅、Twins、李克勤、古巨基等亦拍片祝賀慧嫻加入英皇大家庭。

對於加盟英皇，慧嫻表示：「好榮幸可以加入英皇呢個大家庭。」並謂十分期待跟克勤及祖兒合作，「唔係淨係合唱，係合作喎。我同克勤以前同一間公司已認識多年，但從來冇機會合作，希望可以同佢搞吓啲花臣啦。」提到祖兒，慧嫻表示其實二人已認識很久，「希望可以同呢位新生代合作，對我嚟講Joey係新生代嚟㗎，同祖兒一齊玩吓。」至於「轉會費」，慧嫻笑說：「數字就唔講啦，總之就開心滿意啦。」問到慧嫻生日願望，她表示：「希望我身邊所有人、屋企人、所有愛我嘅人同我愛嘅人、同埋我個『女』mou mou，都身體健康，身體健康就開心㗎啦，人最緊要開心。」

今日係陳慧嫻嘅57歲生日。

Priscilla 正式宣佈加盟英皇娛樂，最想同好友克勤合作。

Priscilla 眼中，祖兒都係「新生代」。

Twins最想知道慧嫻最近買咗啲咩好嘢？

一眾英皇藝人對於慧嫻的加盟均十分興奮雀躍，亦乘機問她不少問題，當中經理人Mani就問：「可唔可以講個爛gag？」慧嫻即腦筋急轉彎，「A-Z二十六個英文字母，ET走咗，咁剩番幾多個英文字母呢？答案係二十一個，因為ET坐UFO走。」關智斌（Kenny）表示想跟慧嫻去玩wakesurf，慧嫻爽快答應，不過她向Kenny說要他先教識她游泳才可以，十分搞笑。

女歌手們則對扮靚shopping有興趣，Twins及許靖韻（Angela）想知道慧嫻最近買了甚麼好東西、用甚麼顏色唇膏，慧嫻笑言過去兩年都沒有添置新衣服，「變了心」收藏水晶手鏈；唇膏方面，慧嫻謂不化妝的時候會選用橙紅色唇膏，因為看起來會精神點；洪卓立（Ken）及楊天宇（Angus）則向慧嫻請教如何養聲，「要飲多啲水、瞓多啲覺、做吓運動、保持心境開朗、正面。」然後細聲地繼續說：「仲有就係唔好咁大聲講嘢呀，陰聲細氣，唔好嗌傷把聲，咁把聲就應該會正常㗎啦。」幽默感十足。

好友克勤就問慧嫻加盟後，希望公司可以帶給她甚麼？慧嫻表示：「希望可以令到我有更加多嘅人生經驗，學到多啲嘢啦。」劉雅瑟直言希望在演唱會上可以跟慧嫻齊齊唱《跳舞街》，並即席唱了一小段，十分搞笑，慧嫻亦開心透露：「演唱會就梗係會開啦，不過我哋就要揀一個吉時同埋合適嘅時間，希望可以同歌迷一齊唱。」