謝安琪要求張繼聰由頭再追過咁先有新鮮感 爆當年獲老公熱烈追求
2022-11-06 22:45 
謝安琪（Kay）今日到尖沙咀出席自家品牌與口罩的聯乘活動，Kay表示品牌成立了差不多一年，更透露下年打算出食品，問她有沒有打算將品牌做得更大？她說：「睇吓做唔做到，如果有大資金同品牌搵我，我好樂意，我好多時都係同小商戶合作，因為佢哋受疫情打擊好大。」
爆囡囡唔畀面爸爸只愛教主
Kay老公張繼聰有份參演的劇集《季前賽》正在播映，Kay指當初老公好熱烈地追她，故現在自己也要熱烈地追劇，記者笑指張繼聰已得手，Kay即笑說：「未，仲追緊，我成日要佢由頭追過，咁先有新鮮感。」問到老公在劇中的表現如何？Kay就表示可能因年齡關係，故看老公戲份多於MIRROR，更大讚對方演得趣怪及好有活力，問到身為「神徒」的囡囡睇劇時會看爸爸還是MIRROR？她就笑指囡囡毫不畀面爸爸：「冇Anson Lo(教主)嗰集佢就唔想睇，我話爸爸就出場，佢話唔使，即刻入房瞓，專一方面真係要向我學習，（但佢對Anson Lo好專一。）唔係，佢都會分心睇姜濤，有時唔覺意等緊Anson Lo嗰陣見到姜濤，又會被電親。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應