張敬軒預告拍賀歲片要打王菀之　三個字評男神Jeffrey唱功

張敬軒、魏浚笙（Jeffrey）今日到尖沙咀出席活動，吸引過百fans圍觀。早前透露即將接拍新戲的軒仔，今日表示將在下星期拍攝賀歲片《超神經械劫案》，故事講述他要深入虎穴找出寶藏。軒仔指戲中會與Jeffery做出生入死的解款員，更大爆Jeffrey將有濕身騷肌場面，軒仔說：「幾開心，戲種少見，幾多動作場面，仲有爆破、槍戰，所以仲要學射擊，佢（Jeffrey）仲要玩槍。」軒仔笑言難得今次拍戲擔正，已碌盡人情卡：「今次會同王菀之大打出手，（開工前要拉定筋？）前一晚要拉定，今次預計都會辛苦啲，因為外景居多，但應該冇《I SWIM》咁辛苦。」至於Jeffrey則指到時會為騷肌場面操fit，提到他的體能方面應該比張敬軒好，軒仔聽罷反問說：「邊度睇得出？（度度都睇睇出？）好hurt呀！（使唔使練身手？）我都食過下夜粥，「遮遮」嗰啲。」軒仔對今次拍戲表現得非常期待，更表示整個劇組除了他外，大都是30歲以下及新人，而Jeffrey則指十分喜歡戲中角色，又謂已看過台灣原著電影《詭扯》，再讀《超》的對白時覺得好搞笑。

【點擊睇活動靚相】

Jeffrey有好多Fans到場支持。

Jeffrey和張敬軒的Fans多到企晒幾層。

Jeffrey與Fans影張合照。

Jeffrey透露將拍攝處男電影。

Jeffrey與Fans近距離接觸。

張敬軒的Fans拎晒長短鏡頭影相，好專業！

張敬軒亦有跟Fans互動。

張敬軒下周將開拍新電影。

張敬軒大讚Jeffrey唱功冇得頂。

Jeffrey與張敬軒擺心心讓大家影相。

張敬軒與Jeffrey將一同拍攝新電影。

張敬軒透露於新片中，會跟好友王菀之大打出手。

 

大讚Jeffrey唱功了得
軒仔又坦言覺得Jeffrey的角色是為他「度身訂造」，問到是否想憑此戲攞影帝？他笑說：「冇， 我角色仲要做啲功課先，其實除咗Jeffrey之外，另一個拍檔係白只，一個實力派，一個實偶派，我都要諗吓自己個定位，但一定係開心嘅，我覺得係好睇。」對於Jeffrey為軒仔獻出第一次拍電影，軒仔得知後即表示最近著名有金牌導演打電話給自己，問他與Jeffrey是否相熟。問Jeffrey是否想拍多些電影，他說：「想，我咩都想，各方面都想試吓。」之後軒仔又大讚Jeffrey唱歌叻，因他曾在一個私人場合中聽到Jeffrey唱《春秋》：「首歌我自己都唱到扯蝦，所以我覺得如果佢要進軍樂壇嘅話，真係冇得頂！我覺得而家呢個時代，好似佢咁樣有多啲自己發揮嘅空間同埋自己選擇鍾意拍嘅劇集、電影、唱歌，鍾意做咩就做咩，我覺得已經唔係我個代咁一定要大公司，我覺得咁樣對佢哋嘅發展係好好。」Jeffrey聽後即感激前輩教導， 更表示會請對方食飯作為報答。

 

【其他文章】

馮盈盈Hermès珍藏值百萬最貴逾20萬一個 住2千萬豪宅封吸金女王

古天樂否認參與「娘家」TVB綜藝節目 親自解畫：即使真開節目都冇時間

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ