飯戲攻心丨王菀之想拍電影續集賺經費張繼聰谷劇預告《季前賽》冇伏味

2022-08-29 23:15

正忙於演出舞台劇的王菀之（Ivana）今日趁休息日，與張繼聰等出席有份主演的電影《飯戲攻心》首映，張繼聰太太謝安琪亦現身撐老公。

Ivana指舞台劇的門票已售完，但因場地已被其他人訂了故不能加場，問她可會做part2？她說：「有諗過，但我又想試新嘢，我好想同張繼聰合作演舞台劇。」張繼聰聽罷後指老婆已看過Ivana的劇，更大讚對方表現技驚四座，更以「之姐」來形容Ivana，又指她是舞台劇界古天樂，若之姐找他演出的話，一定會義不容辭：「做舞台劇要好有熱誠，做投資者就更加瘋狂，但佢一次又一次咁做，佢係夢想家，古天樂級數。」至於Ivana就笑指希望《明日戰記》及《飯戲攻心》會找她拍續集，這樣就可以幫補她舞台劇上的投資。

張繼聰指老婆已看過Ivana的劇，大讚對方表現技驚四座。

張繼聰拖住老婆謝安琪到場。

至於將會在10月舉行演唱會的張繼聰，雖然仍周身飛債，但他指不會加場。問到近期確診數目飆升，會否擔心影響票房？他指沒有人會不擔心，故希望政府能體恤：「其實唔止電影界，飲食界同各行各業都係，大家都承受咗好耐，其實香港人防疫意識都好高，當然身體健康都好重要，希望攞個平衡。」

有份演出的ViuTV劇集《季前賽》因MIRROR演唱會發生嚴重事故而延期，張繼聰指身為演員會尊重製作單位決定：「希望傷者康復，其他年輕人嘅心情要時間平伏，宣傳嘅時候我會配合，而且終有一日會播，拍嘅時候好愉快，相信呢套劇大家會睇得開心，一定冇伏味，（咁邊套有伏味？）依家啲劇未上啲人就話有伏味，我覺得乜都應該自己親身去感受，唔好聽人講，自己睇完再作出評論。」