王菀之身兼三職舞台劇正式公演老公唔知有親熱戲演完未回魂

2022-08-27 13:00

王菀之(ivana) 主演一連14場的舞台劇《Proof 求證》，前晚（25日）於演藝學院展開，Ivana今次飾演的天才數學家女兒之角色，技驚四座，演出後謝幕時台下掌聲雷動歡呼，好朋友謝安琪及不少fans和網友，看完也不約而同到Ivana社交平台留言大讚。因為當日香港打風，Ivana跟其他演員包括陳淑儀、吳鳳鳴及陳康，以及幕後所有工作人員，皆擔心要家要改期，幸而颱風「馬鞍」來去匆匆，最終令他們可以順利舉行第一場。

身兼監製、翻譯劇本及女主角三職的Ivana壓力很大，但卻獲得熱烈好評，但Ivana表示因自己太累，未能逐一去看留言，也未分享自己演出感受：「因為呢個劇演完會有一種餘韻喺個腦裡面，個人冇咁快醒返重回現實，所以我應該係冇快興奮到，除非有盒飯喺我面前或者會。」

除了是女主角外，Ivana也是舞台劇的監製及翻譯劇本。

跟陳康有親熱戲，但老公Eric So卻不知情。

陳淑儀對Ivana的表現有讚冇彈。

林家棟吳鎮宇送花籃打氣

劇中飾演Ivana男朋友的陳康，今次兩人有親熱戲，會否因場地舞台跟觀眾很近而尷尬？陳康即表示：「唔會，演員嚟架嘛，我哋好專業，反而覺得演嚟更刺激！」問到Ivana老公Eric So有否到場睇老婆演出？知否跟男主角有親熱戲？她即笑言：「佢未嚟睇，你哋唔好爆劇情，我唔知佢幾時嚟睇，哎呀，唔知呀。」而飾演Ivana爸爸及家姐的陳淑儀和吳鳳鳴，不約而同大讚Ivana的表現，而好友張敬軒、還有林家棟及吳鎮宇皆送上花籃道賀及打氣。