獨家丨吳千語罕提百億富三代男友施伯雄坦認好幸福未打算生仔唔嫁住

2022-09-17 12:15

近年差不多長留內地發展的吳千語，最近終於有新作《一路瞳行》，首次跟影后惠英紅合作，更獲紅姐親自教戲，而戲中千語跟紅姐演的媽咪關係很差，會她反省跟父母關係。講到工作表現不及跟富三代男友施伯雄戀情受關注，千語完全唔介意，但承認兩人感情穩定，但暫未有計劃結婚，或者想生仔時先諗。採訪：杜杜攝影：娛樂組髮型：Him Ng@The Attic 化妝：[email protected]服裝：Sandro場地：whereami.hk

千語懶理外界是非，認為自己過得幸福開心最重要。

《一路瞳行》是導演朱鳯嫻親身經歷，千語的角色正是導演本人，所以她有任何疑問可即問導演，反而更易投入角色。至於跟戲中演媽咪的紅姐合作，她完全冇緊張，更獲紅姐親自教戲，「佢會教我點樣利用身邊道具，可能嗰場導演設計咗要咁做，但你可以攞啲嘢當道具去幫自己表達感情，甚至有時可以要求另一啲道具幫手，我學到好多之前冇諗過嘅嘢。」

拍攝時26歲的千語着起校服冇違和感，戲中跟紅姐有不少感情戲。

戲中健全的千語要面對分別由紅姐和吳岱融飾演、同樣失明的父母。

曾跟媽咪經常頂嘴

戲中千語同媽咪關係好差，她坦承年少時也有做過做「衰女包」經常跟媽咪頂嘴，但現在同媽咪已似朋友相處，「阿媽始終係阿媽，佢最鍾意send啲咩『捱夜對身體十大壞處』嗰啲文章嚟，哈哈！反而做嘢佢唔會理我，對佢嚟講我幾成功都唔夠我健康重要。」父母更是她的頭號粉絲，「睇到我嘅嘢就save低，有作品一定睇，仲拉埋啲朋友去睇，默默支持。」

千語笑言父母已成為她的頭號粉絲。

千語話生活充實，不用開工就約關智斌等朋友出海玩。

雖然千語的工作不停，但大家似乎最關注她的感情生活，她完全理解，「有時我睇人哋啲嘢，都會鍾意睇人哋拍拖多過做嘢，哈哈！細個可能會介意，但係大咗就冇，同埋真係過得好開心好充實好幸福，你唔會太介意人哋講啲咩。」問到跟男友施伯雄感情生活，她露出幸福甜笑話：「都好穩定囉！」但她坦承不急於結婚，「細個會諗最好幾多歲前結婚，但𠵱家變咗，其實我年年有啲變化，但係我覺得𠵱家呢個狀況都幾開心，唔使諗一定要結婚，其實要結又可以嘅，但係覺得冇乜必要，又唔係要生仔住。」